Нинослав Јовановиќ, киднаперот на 12-годишната Моника Каримановиќ се соочува со доживотна казна затвор, откако нему му беше поднесена кривична пријава за киднапирање и силување.
Тој од синоќа е во 30-дневен притвор, откако беше сослушан во нишкото обвинителство. За двете дела, за кои се товари, казната изнесува најмалку 10 години или доживотна робија. Тој на 20-ти декември го грабна 12-годишното девојче, а потерата по него заврши завчера кога беше уапсен во родното село Малча, поради кое, и го добил прекарот „Малчански берберин“. Тој поради силување, претходно два пати бил осудуван на 10 и на 12 години затвор.
