По пожарите, сега Австралија се соочи со невреме и опасност од поплави.
Во делови на Мелбурн наврнале дури 77 милиметри дожд.
Невреме проседено со грмотевици и силен дожд, а на некои места и град, погоди одредени региони на Австралија која со месеци се бори со силните пожари кои потполно опустошија делови на оваа земја.
Метеоролозите велат дека не е сигурно дали дождот ќе паѓа таму кадешто е најпотребно и дали тоа ќе биде доволно.
Обилните дождови може да предизвикаат поплави.
Протипожарната служба на Нов Јужен Велс соопшти дека „иако овој дожд нема да ги изгасне сите пожари, сигурно помага за намалување на нивниот интензитет“.
Во Нов Јужен Велс повеќе од 10.000 куќи и објекти останале без струја поради невремето.
Во сојузната држава Викторија се појави дупка од четири метри која се отворила покрај патот.
Чадот од пожарите во Австралија ќе го обиколи светот.
Од НАСА предупредуваат дека чадот ќе направи барем еден „полн круг” околу целиот свет и повторно ќе се врати во областа над Австралија.
