14.4 C
Ohrid
среда, јуни 26, 2019
Почетна Австралија Македонски Филмови на 66 тиот Филмски Фестивал - Сиднеј

Македонски Филмови на 66 тиот Филмски Фестивал – Сиднеј

Translate (Eng):[gtranslate]

На овогодинешниот филмски фестивал во Сиднеј Австралиската публика ќе има можност да го проследи т Македонскиот документарец „Медена земја“ на режисерите Љубомир Стефанов и Тамара Котевска

„Медена земја“ е филм за Атиџе, последната жена-одгледувач на диви пчели во Европа, која живее сама со својата мајка во централна Македонија. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начина на искористување на природните ресурси. Продукцијата е на „Аполо медија“ на Стефанов и „Трајс филмс“ на Атанас Георгиев. Музиката во филмот е на „Фолтин“.

Медена земја

РЕКЛАМА

Македонскиот филм „Господ постои, името ѝ е Петрунија“ во режија на Теона Стругар Митревска и во главна улога на Зорица Нушева.

Овој филм е работен врз вистинска случка во Штип и извонредно ја пренесува приказната за храброста на една невработена жена да се спотивстави на воспоставени и затемелени структури на стереотипите и патријархатот. Надминувајќи ја сопствената отуѓеност таа ја осознава својата моќ да ја обознови солидарноста во борбата против неправдата. Петрунија (Зорица Нушева) на религиозниот празник Водици решава да се фрли по крстот во ладните води. Но кога успева да го фати, почнуваат и нејзините проблеми затоа што е жена.

Инаку филмот е прикажан на повеќе филмски фестивали во Русија, Украина, Франција, Германија и е наградуван повеќе пати. На еден филмски фестивал во Германија кој е посветен на женски автори ја доби главната награда; на филмскиот фестивал во Тирана беше прогласен за најдобар филм и награда за најдобра женска улога доби Зорица Нушева; на престижниот филмски фестивалот во Берлин освои две награди Ecumenical Award и Guild Film Prize и доби позитивни критики што овозможи полесно дистрибутирање во светот, а еве сега и прикажување во Сиднеј.

На фестивалот во Сиднеј и после секоја проекција ќе биде присутна и режисерот Теона Стругар Митревска која ќе има свое обраќање пред сиднејската публика.

За повеке информации посетете

https://www.sff.org.au/program/browse/god-exists-her-name-is-petrunya

- Реклами -