Очекував комунистичко сивило и здодевност”, пишува Бајден.
Демократскиот претседателски кандидат Џо Бајден, тогаш сенатор на државата Далавер, се состанал со Тито во Сплит во 1979-та година, по погребот на Едвард Кардељ, на кој бил како член на американската делегација.
Во своите мемоари со наслов “Promises to keep” со нескриени симпатии зборува за југословенскиот претседател, додека за Југославија исто така зборува пофално.
“Од 1945-та до 1980-та Јосип Броз Тито владееше со Југославија со личност, одлучност и ефикасна тајна полиција. Итриот стар комунист ја одржа заедно етнички и религиски помешаната федерација”, објаснува Бајден.и продолжува:
“Беше потребен одреден гениј за да се одржи таа мултиетничка федерација заедно, а тој гениј беше Тито”.
Заедно со Аверил Хариман и американскиот амбасадор во Југославија, Лоренс Иглбургер, се состанал со Тито во неговата сплитска вила, иако Тито првобитно ја одбил средбата за да не ја навреди другата страна, односно Москва, во склоп на политичката еквидистанца наспроти западниот и источниот блок.
Бајден многу пофално пишува за политиката за неврзаност на Тито, додека сметал дека состојбата во Југославија била далеку подобра отколку во другите комунистички земји.
“Веќе почна да ми се допаѓа Југославија, не беше тоа што го очекував. Очекував комунистичко сивило и здодевност”, пишува Бајден и објаснува дека Загреб и Сплит, кои тогаш успеал да ги посети, воопшто не биле такви.
“Загреб беше прекрасен и чист, со градби од хабсбуршката ера, а луѓето возеа пристојни автомобили и облека со вистински бои”, пишувал Бајден.
За Сплит Бајден исто така зборува афирмативно. Таму добил впечаток дека на луѓето им е добро, а како и во Загреб, “возеле пристојни автомобили”.
“Постоеше чувство кое го немате во другите земји зад железната завеса”, објаснува Бајден.
превземено од Точка а целосниот текст прочитајте го тука
