Пишува Гордана Димовска
20 ноември 2022 година, Мелбурн, Викторија, Австралија – Во организација на Македонско австралиската заедница заврши традиционалниот Деветти Македонски фестивал на храната во Yarraville Gardens.
Организаторите презадоволни, посетителите воодушевени од успешната презентација на македонската храна, култура и традиција со рекорден број на посетители кои не сакаа овој фестивал да заврши.
– И по деветти пат потврдивме дека сме организирани, сложни и ја сакаме, негуваме, продолжуваме македонската традиција, иако далеку од родната земја Македонија, – изјави организаторот.
Имаше премногу штандови со македонска храна, пијалоци и добра книга за читателите, секому според вкусот.
One of the best Macedonian food festival this year in Yarraville Gardens organized by Macedonian Australian Community organization.
Присутните проследија импресивни настапи на културно уметничките друштва “Јане Сандански”, “Гоце Делчев”, “Светлост”, Bendjo Academy, Vietnamese dancing group, Seko band, Сања Ристевска од Македонија, Вера Трајковски, Лидија Јаневска, Васко, Амел, Џесика Стојчевска, Петар Дамчевски, Македонче, Иван Радевски, Татијана и Новица.
Светскиот Македонски Конгрес упатува искрени честитки до организаторот со желби традицијата да продолжи.
