Силна песочна бура помина над северозападниот дел на австралиската држава Квинсленд, јави телевизијата 9News.
<
Ветер со брзина од 109 километри на час разнесе огромен облак од песок и портокалова прашина над градот Булиа. За среќа, тоа траеше само 10 минути, а дождот што следеше го исчисти воздухот од прашина.
Очевидци велат дека тоа била најсилната песочна бура во Квинсленд на која може да се сетат. Нема извештаи за жртви, иако локалното население се подготвувало за најлошото, соопшти телевизискиот канал.
