Во Неделата на 28 мај македонскиот просветно-училишен одбор со свечена академија го одбележа Денот на просветителите, светите браќа Кирил и Методиј пред стотина ученици, наставници, родители и гости во истоимениот црковен храм Свети Кирил и Методиј во Розбери,Сиднеј.
На свечената церемонија присуствуваа професорите од сите училишта по македонски јазик ученици, родители, високи претставници од државните тела за јазиците на заедниците како и министерот во сенка за мултикултурализам и пратеник г-н Марк Кјури .
Програмата ја водеше професорката по македонски јазик г-ѓа Славица Ристевска од средното училиште во Когара .
Свечената академија по повод светите Браќа Кирил и Методиј на македонски и на англиски јазик ја прочита претседателката на просветно училишниот одбор г-ѓа Жаклина Михајлова .
Учениците се претставија со приредба сотавена од рецитали песнички и поеми.
Имаше награди за најдобрите ученици, и општествени и правни лица кои ја помагаат работата на советот за зачувување на македонскиот јазик во Австралија
Им честитаме на сите наградени ученици, учители, родители и членови на училишните одбори за нивната посветеност за изучувањето и зачувувањето на македонскиот јазик во Австралија.
