Веќе неколку дена на You tube каналот е актуелно новото видео на „Некст тајм“ преработката на македонската фолк песна „Прошета се Јовка – кумановка“, сигурно многумина од вас се запрашаа која е прекрасната девојка која го толкува ликот на Јовка? Одговорот на ова прашање стои напишан уште на најавниот промотивен плакат за спотот, а на него името на Викторија Пеовска.
За оние кои го следат спортот, особено оној, најтрофејниот во Македонија, нејзиното име не е непознато. Таа, пишува Вистина.мк, е ракометарка на женската екипа на ЖРК Куманово и македонска ракометна репрезентативка.
Ангелски лик со сето останато што мајка – природа како атрибути и го дала. Од висина, до рамна снага и става, долги нозе, крупни очи, полни усни… Едноставно речено, убавица од веѓи до глуждови, која кога ќе се се појави на паркетот се претвора во вистински спортски ѕвер! Упорна, борбена, прецизна, вистински лидер на тимот на теренот! Но, згодната и атрактивна кумановка, пак затоа надвор од спортскиот терен е вистинска атрактивна, секси убавица, која не е само успешен спортист.
Имено, Викторија Пеовска својата спортска популарност и убавина спојувајќи ги во едно ги користи како модел. Така, неодамна згодната ракометарка стана заштитно лице на еден познат македонски бренд за душеци и перници. Кумановската фирма која извезува и во странство го направи вистинскиот избор одбирајќи ја својата кумановка за модел кој ќе ги рекламира нивните производи! Како што „Некст тајм“ ја одбраа да биде нивната „Јовка – кумановка“…
Но, ова не и е прва улога во музички спот на Викторија. Оние кои ја следат македонската музичка сцена и имаат добро паметење, веројатно се сеќаваат на прекрасната балада „Дал има?“ на Александар Тарабунов – Тара од 2016 година и жешките кадри во видеото на сексапилната, тогаш помалку позната Викторија Пеовска!
Исто како и во новата визуелизација на „Јовка – кумановка“ на „Некст тајм“, каде убавата Македонка исто така го покажува сиот свој телесен раскош, преточен во суптилна еротика низ уметничкото видување на естетиката на голото тело на расната кумановка во бистрите води. Викторија Пеовска спортски ѕвер во лик на убавица или Јовка – кумановка, „ѕвер“ од убавина… како сакате!
