22.9 C
Ohrid
сабота, јуни 28, 2025
ПочетнаАвстралија28 матурска вечер на учениците што го изучуваа македонскиот јазик во Викторија:...

28 матурска вечер на учениците што го изучуваа македонскиот јазик во Викторија: ДA ГО ЗАЧУВАМЕ МАКЕДОНСКИОТ ЈАЗИК

spot_imgspot_imgspot_imgspot_img
spot_img

Во петокот, на 6 декември, во просториите на прекрасната рецепција Шелдон се одржа овогодишната матурска вечер на учениците кои го изучуваат македонскиот јазик во редовните и саботните училишта во Викторија. За жал, оваа година во Викторија матурираа само 12 ученици, сите од саботните училишта од кои тројца не беа во можност да присуствуаат на свечената прослава.
Водител на вечерта беше поранесната ученичка и матурантка од саботното училиште во Кило Даунс, Ана Цаковска.
Присутните најпрво ги поздрави новоизбраната претседателка на Здружението на учителите, Јованка Смилевска, која апелира до сите поединци и организации во Викторија да ги остават настрана своите определби и лични ставови, да се соединат и да го поддржат изучувањето на мајчиниот јазик, со што на најдобар начин ќе го покажат својот патриотизам и љубов кон Македонија.
Потоа со краток говор вицеконзулот при македонскиот конзулат од Мелбурн г-нот Гоце Пејовски ги поздрави присутните и ја честита матурата на матурантите.
Специјален гостин на вечерта беше најмладата градоначалничка во Австралија на општина Витлси од македонско потекло, Емилија Лиса Стерјова. Таа рече дека посебно е среќна што присустува на оваа матурска вечер затоа што и таа самата била матурантка по македонски јазик пред 6 години. Нејзиното присуство и говор ги охрабри младите матуранти да веруваат во себе во своите соништа и желби храбро да чекорат по патот на успехот.
Оваа година матурантите излегуваа придружувани од специјални гости, најмладите членови на малата група на КУД Јане Сандански, со што се симболизираше заминувањето на едни ученици и доаѓањето на други.
Матурантите и младите дечиња беа наградени со по една книга- подарок од сопствениците на Шелдон рецепцијата, Иван и Лидија Нешковски.
Оваа свечена матурска вечер со своето присуство ја поддржаа и Розета Стојковска- QC, Ромео Георгиев – претседател на КУД “Јане Сандански”, Пеце Настевски – претседател на ФК Килор Волци, Калина Димовска – претседател на КУД “Бисер”од Џилонг, Зоран Димовски – потпретседател на МАСО, Лидија Нешковска – претседател на МАСО.
Присутните ги забавуваше групата “Македонија”.
Пораката на вечерта беше многу јасна: Битието на еден народ е јазикот. Односот кон него, неговото негување, развивање, промовирање е основниот начин за одбрана на македонскот идентитетот. УЧЕТЕ МАКЕДОНСКИ ЈАЗИК!
Уписите за следната учебна година се отворени, за запишување на нови ученици одете на интернет страната: www.vsl.vic.edu.au
Весна Дамчевска

<

Извор australianmacedonian.com.au/mk  Австралиско Македонски Неделник

 

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината.

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината. Нивната нова...

Стојанче Ангелов: Најдов двајца пилоти, од есен ќе започнат со обука

Директорот на Агенцијата за заштита и спасување, Стојанче Ангелов, во емисијата „Трилинг“ реферираше дека сите три противпожарни авиони ер-трактори се во функција, со тоа...

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...