11.7 C
Ohrid
сабота, септември 26, 2020
Почетна Естрада Тамара Тодевска: Струмичанецот Васил ќе ја претстави нашата земја во најдобро светло!

Тамара Тодевска: Струмичанецот Васил ќе ја претстави нашата земја во најдобро светло!

Translate (Eng):[gtranslate]

Струмичанецот Васил Гарванлиев, кој што во мај ќе не претставува на Евровизија во Холандија со песната ,,You” ја доби максималната поддршка од својата колешка Тамара Тодевска.

Тој минатата година беше нејзин придружен вокал на популарната манифестација, од каде таа се врати со највисокиот пласман досега за Македонија, прво место од стручното жири со 247 поени, односно седмо место на Евровизија, со песната ,,Proud”.

За ,,Фокус” Тодевска раскажува дека верува во Васил и во неговите способности и талент.

РЕКЛАМА

-Васил е неверојатен артист и верувам дека песната која што е избрана да ја пее на Евровизија ќе го потенцира неговиот талент за пеење и танцување.
Навистина сум горда што беше дел од мојот евровизиски тим минатата година и знам дека тој и неговиот тим ќе го дадат максимумот да ја претстават Македонија во најдобро можно светло – ни изјави Тамара.

Додава дека во мислите ќе биде со него за време на целото евровизиско патување, со искрена желба тој да се врати со голем успех од настанот. Во свој стил вели – Му ја пуштам целата среќа на овој свет!

65-то издание на Евровизија ќе се одржи во арената ,,Ahoy” во Ротердам, Холандија. На 12-ти и 14-ти мај ќе се одржат полуфиналните вечери, а пак финалето е закажано за 16-ти мај. Ќе се натпреваруваат 41 држава. Годинава се враќаат Бугарија и Украина по претходно отсуство, а пак Црна Гора и Унгарија нема да учествуваат.

Вики Клинчарова: Фокус

- Реклами -