Седум нови пациенти се тестираат на корона вирус, информираше на денешната прес конференција министерот за здравство, Венко Филипче. Како што наведе тој, пациентите се од Штип, Куманово, Тетово, Кичево и Охрид. Тие престојувале во Швајцарија, Германија и Австрија. Меѓу нив две се родилки. Едната бремена жена од Дебар е префрлена во изолација во Охрид, а другата е во Скопје. И двете се во стабилна состојба, но медицинските власти сакаат да ги подготват соодветно за породување, иако се уште не се во таа фаза. И за нив се чекаат резултатите од тестирањето.
Сите тие дошле пред три четири денови здрави но потоа се пожалиле на повисока температура и се пријавиле да бидат тестирани-објасни министерот.
