Преку конкурс и но мотивациони писма владата ќе ги бира професионалните кадри кои треба да влезат во третиот ешалон, односно во директоратите, агенциите и институциите на кои треба да бидат назначени првите луѓе.
Сепак како овој колач ќе го поделат владините коалициски партнери – вицепремиерот за борба против корупција Љупчо Николовски не даде конкретен одговор, посочувајчи дека станува збор за владина коалиција и за сите важни прашања е потребно да се постигне договор со коалициските партери но главен критериум вели е професионалноста.
Премиерот Заев пак и денеска посочи дека очекува до 20 октомври да завршат одлуките за поставување раководни лица, но конкретни имиња не прецизираше.
Денеска исто така беше презентиран и извештајот на ГРЕКО според кој Македонија не е повеќе во групата на глобално незадоволителни држави. Ова тело на Советот на Европа се занимава со мониторинг на антикорупциските скандали и укажува дека нашата земја ги применува препораките кои и се даваат.
Сепак во делот на борбата против корупцијата и домашните антикорупционери вчера апелираа дека е неопходна измена во 19 закони со цел борбата против корупцијата и непотизмот да биде ефикасна. На дел од законодавството пшак му дадоа позитивна оценка но велат не се применува во целост.
