Обвинетиот Бојан Јовановски се лекува во болница па судот го одложи денешното рочиште за предметот Меѓународен сојуз.
-Казнено поправната установа, затвор Скопје, утринава го извести судот дека Бојан Јовановски не е во затворот туку е во болница и не може да биде спроведен до судот, информираше судијата Софче Гаврило Ефремова.
Ова е трето рочиште кое се одложува поради отсуство на обвинетиот Јовановски. Тој на почетокот на минатиот месец беше итно опериран поради проблеми со желудникот.
