6.9 C
Ohrid
петок, април 4, 2025
ПочетнаЕстрадаСеќавање на Тоше Проески: Мамо, дали еден ден, кога ние ќе имаме...

Сеќавање на Тоше Проески: Мамо, дали еден ден, кога ние ќе имаме пари, ќе ми купиш кикирики

spot_imgspot_imgspot_imgspot_img
spot_img

Од мал беше капетан на трите брода на  базиликата од   храмот „Свети Никола“. Кога пееше на неделната или празничната миса, оживуваа сите ликови од волшебните иконостаси на Гарката и на Станишев. Иконите на зографот Михаил го поздравуваа со долг аплауз. Исчезнуваа лузните на црквата   од   илинденскиот палеж  во 1903 година.  Никола и Домника не забележаа ниту еден фалш кај својот син.

<

Во семејството на Тоше, сите се толку музикални, што е многу тешко да се одреди од каде е наследен музичкиот ген. Дали од дедото Тодор, кој царувал со сцената и бил одличен актер, дали од родителите и чичковците, чии средби секогаш изобилувале со трубадурски изблици, придружувани со гитари. Музиката била најчест гостин во нивниот дом. Како нешто без кое не се може. Како мевлем против сите рани што ги отвора животот, како оружје против судбината, како извор во кој се капе душата. Кај Тоше гените беа посилни, како да испреплетеа не две, туку четири нишки од ДНК,  во која се криеше  кодот  –  пејач,  ѕвезда.  Го  насетуваа  талентот.  Но,  не  и   тоа   што допрва   ќе   им   се   случува.   Одеа   по   Божјиот   пат,   славејќи   го   Господ, благодарни   и   со   тоа   малку   што   го   имаат.  Чудни   се   патиштата   Божји. Понекогаш зборовите од писанието испреплетуваат најубава свила, која ја постилаат пред нас, а ние чекориме по неа. Но, знаат да исткаат и стрели, кои ќе нé погодат, една по друга. Не прашувајќи дали можеме да се носиме со нив. А Господ ти дава толку тежина колку што можеш да  издржиш.

Првата стрела – беспарицата, Проески ја издржаа. Втората стрела – беше дијагнозата „стразбизам“’ на малиот Тоше. Трета година од неговото раѓање.   Забележаа   дека   зеницата   од   окото   почна   да   му   игра неконтролирано. Мора да се лекува во Прилеп. Мора да се издржи, таква е Божјата волја.

„Носеше очила и беше многу дисциплиниран. Три години секој ден го носевме во Прилеп на вежби за  видот. Имавме пари само за автобуска карта во два правца. Еден ден, пред да одат на вежби влегле со мајка ми во продавница. Пред нив еден човек си купувал вакуумирани кикиритки. Тоше ја прашал мајка ми „Дали еден ден, кога ние ќе имаме пари, ќе ми купиш кикирики.

Соња Алексоска Неделковска ( Извадок од книгата ,,Ова не е крај“)

Објавено во Женски Магазин

 

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Лишен и задржан во Полициска станица возачот кој со мопед удри дете и избега

Лишен и задржан во Полициска станица возачот кој со мопед удри дете и избега, ќе биде поднесена кривична пријава Во врска со видеото кое беше...

Кривична за тројца полицајци: Без судски налог влегле во приватен стан при што сакале на сила да го проведат сопственикот.

Одделот за внатрешна контрола, криминалистички истраги и професионални стандарди против полициските службеници М.Т., С.Р. и Ф.Ѓ. поднесе и предлог за поведување на постапка за...

Црвениот крст: Собрани околу 2 милиони евра за помош на семејствата на повредените и починатите во Кочани

Црвениот крст денеска ја изврши и втората исплата за поддршка на семејствата на повредените и починатите во трагичната несреќа во Кочани. Од таму информираат...

Видео кое ја потресе Македонија! Качени на веспа удрија дете и побегнаа. (Видео)

Видео кое ја потресе Македонија! Качени на веспа удрија дете и побегнаа. Видеото е направено во текот на вчерашниот ден и најверојатно се работи за...