Oва е новото Дубаи, oва е новото Мексико! Државата гори од епидемија и од погреби, а Венко Филипче и Зоран Заев си се возат на своите мотори, реагира портпаролот на ВМРО-ДПМНЕ, Наум Стоилковски.
Ова се Зоран Заев и Венко Филипче, коишто денеска низ Македонија се возат со нивните скапи мотори. Режимот продолжува со одмор и релаксација додека Македонија погребува свои граѓани. Секојдневно над 30 граѓани се жртви на епидемијата и на негрижата на Режимот. Секојдневно има над 1400 новозаразени од Ковид-19. Ама Заев и Филипче мува не ги лази и си уживаат во своите крстосувања со скапите мотори од по 30 и кусур илјади евра. Граѓаните очекуваат целосна заложба околу справувањето со епидемијата, додека очекуваат решавање на нивните проблеми, а Заев и Филипче без трошка срам си уживаат во убавото пролетно време. Ова е нивната релаксација – реагира Стоилковски.
Тој додава дека наместо Филипче и Заев да ги гледаме по фармацевските компании, како бараат вакцина повеќе, Филипче кажува дека сè е под контрола и можеби ќе сме имале поголем бран следнава недела.
И се качи на моторот заедно со неговиот шеф Заев да се возикаат низ Македонија. Луѓе умираат барајќи кислород, болниците се преполни, но тоа Филипче не го интересира. Филипче и Заев ги интересира угоден живот, ги интересираат големи провизии, а граѓаните кој како ќе се снајде. Некои во Србија, некои со надеж дека ќе се спасaт, ама Зaев и Филипче тоа не ги интересира. Срамното, бедното и нечовечкото однесување на режимот продолжува – вели портпаролот на ВМРО-ДПМНЕ.
