За време на едно ТВ-гостување Аца Лукас распалил по колегите и ги нападнал дека бараат помош од државата, а притоа имаат по неколку стана. Зборувал и за протестите на музичарите и угостителите кои излегле на улица со цел да им се најде решение затоа што во текот на изминатата година останале без примања.
– Мене не смееја да ме викнат на протест затоа што знаеја дека ќе ги откачам. Да не се лажеме ние заработуваме најмногу во оваа земја. Луѓе кои имаат по 5-6 стана бараат помош. Работете, товарете јаглен, им порача Лукас на колегите и уште јавно призна дека го канеле да пее на „корона журки“, но сите ги одбил.
„Чеда Чворак беше водач на протестите. Бара да работи, а тој не работи веќе 20 години. Ајде сите да се вакцинираме, па и да почнеме да работиме“, додал пејачот.
