Христијан Мицкоски, лидерот на ВМРо-ДПМНЕ, е згрозен, како што вели, од лагите на власта дека неговата партија ги поттикнува палењата на пожарите кои беснеат низ земјата.
„Монструозни лаги и со чувство на гадење гледам на злобата на Власта. Ги жалам таквите ликови кои тврдат дека намерно ние ги распалуваме“, рече Мицксоки.
Претседателот на најголемата опозициска партија, одговарајќи на новинарско прашање на денешната прес-конференција, рече дека поради ситуацијата нема да замине на предвидениот летен одмор.
„Имав силен притисок од семејството, но нема да користам годишен одмор, само еден два дена ќе ме нема за да гу вратам назад најблиските“, рече тој.
Мицкоски додаде дека ВМРО-ДПМНЕ најмногу ќе помага во справувањето со огнената стихија во беровскиот крај.
„Денеска ќе бидам во Пијанец и Малешевијата, ќе седиме до крај таму, ќе обезбедуваме намирници и вода. Ги повикувам сите опптествено одговорни субјекти да му помогнат на народот. Заедно ќе ја добиеме оваа битка. Заедно ќе бидеме уште посилни“, порача Мицкоски.
