6.9 C
Ohrid
вторник, март 19, 2024
ПочетнаАвстралијаМакедониците низ светотПензионирана македонка од Нов Зеланд прогласена за најдобар Убер возач на светот

Пензионирана македонка од Нов Зеланд прогласена за најдобар Убер возач на светот

Марика Шутиновска, 69-годишна пензионерка од Нов Зеланд, можеби е најдобриот возач на „Убер“ во светот со своите пет ѕвездички добиени од патниците за досегашните повеќе од 16.400 извозени тури, пишува локалната вебстраница „Стаф“

Повозрасната жителка на Маунт Еден вози веќе 13 години, од кои последните осум за такси компанијата.

Таа вели дека сака да вози како хоби за да биде зафатена и надвор од дома за време на нејзиното пензионирање. Таа вози од 7 до 14 часот околу Маунт Еден.

„Баш е добро да се биде малку надвор, инаку што би правела дома? Да се расправам со мојот партнер? Се чувствувам многу убаво кога на луѓето им се допаѓаш и ти даваат добра оценка за возењето“, вели таа.

Црвената „тојота приус“ е трета што ја вози Шутиновска, која ја нарекува нејзин „најдобар пријател“. Таа ги превезува граѓаните на Маунт Еден кои патуваат во градот и учениците кон училиште.

„Ние ја работиме работата што јавниот превоз не може да ја врши“, објаснува Марика.

„Не брзам никаде… Само бидете трпеливи, не се расправајте со луѓето, нека уживаат во возењето, само бидете трпеливи и возете нормално, не треба да брзате дури и ако имате работа“.

Во Македонија Шутиновска била архитект, а во Нов Зеланд дошла во 2000 година, но не била во можност да ја валоризира својата диплома и да продолжи да работи во својата професија. Нејзината тајна за добар рејтинг е чист автомобил, професионална облека, разговор со патникот само ако сака да зборува и пријатно возење.

„Порано возев ноќе, па имав работа со пијани луѓе, но тие воопшто не се тешки – само треба да бидете љубезни со нив, да не ги нервирате и само да им подадете вреќичка за за секој случај. Тие само сакаат да си одат дома, не се чувствуваат толку добро, дури и ако се пијани“, вели таа.

Шутиновска открива дека нејзиниот рејтинг на почетокот не бил пет ѕвездички, но добила толку многу во следните години што нејзиниот просек сега се покажува како пет ѕвездички на апликацијата.

Нејзиниот сопруг, за кој рече дека исто така возел „Убер“, бил љубоморен на нејзиниот рејтинг, за кој таа припиша дел на пријателскиот однос од Новозеланѓаните.

„На Новозеланѓаните секогаш им велам дека заостануваат околу 50 години во однос на тоа како постапуваат Европејците. Секаде во светот, вклучително и во Македонија, луѓето се понервозни, не сакаат да разговараат со вас, па дури и знаат воопшто да не бидат пријателски настроени“, заклучи неофицијалната „Убер“ шампионка во светот.

https://www.stuff.co.nz/national/300653951/is-the-worlds-best-uber-driver-a-macedonian-retiree-in-auckland.

spot_img
spot_img
ПОВРЗАНИ СТАТИИ

Најпопуларни

Повеќе постови

Костадиновска-Стојчевска: Го исполнивме аманетот на нашите предци – до крајот на 2025 година, нов „Центар за македонски јазик“ во Љубојно

Министерката за култура Бисера Костадиновска-Стојчевска, директорката на Институтот за македонски јазик „Крсте Мисирков“, Елена Јованова-Грујовска, и проф. д-р Елизабета Бандиловска, член на Советот за...

Ковачевски: Не даваме лажни ветувања-Имаме конкретна програма и визија каде ја гледаме Северна Македонија до 2030 година

„На изборите ќе насташиме со искусни членови кои вршеле низа функции и во партијата и во државата. Јас ќе бидам во Изборната едниница 1,...

Николоски: Со оваа власт процветаа криминалот и корупцијата во Македонија, но крајот им се ближи и ќе одговараат пред законот

Потпретседателот на ВМРО-ДПМНЕ, Александар Николоски во емисијата „За или против“ на Алфа телевизија истакна дека со оваа власт криминалот и корупцијата процветаа во Македонија,...

Не се откажувам од претседателската трка! Ни Американци ни свети Американци нема да кажат кој ќе управува со Република Македонија

Им се извинувам на сите Македонци и сите македонски граѓани што сум јас причината за една ваква вознемирувачка вест, истакна на денешната вонредна прес-конференција...