Голема трагедија се случи на 31 декември во Мелбурн, во албанско семејство по потекло од Струга. По само една година брак, Линдита и Ветон Мусаи беа убиени од таткото на невестата Осман Шаптафај, кој веќе подолго време бил во изолација со сериозна ментална болест, јавуваат австралиските медиуми.
Таткото на Линдита се обидел да се самоубие. Тој бил пронајден недалеку од местото на убиството на брачниот пар Мусаи со прострелна рана на главата. Шаптафај во моментов е во критична состојба во болница под полициска заштита.
Полицијата засега нема други осомничени за ова двојно убиство.
Ветон Мусаи бил вработен во австралиската национална банка и бил син на поранешниот шеф на албанското здружение на заедници во Австралија, Алил Мусаи, со потекло од Струга.
image: Facebook
