Фолк-ѕвездата Цеца Ражњатовиќ потврди дека таа и нејзиниот син Вељко се позитивни на Ковид-19 и дека во наредните две недели ќе бидат во домашна изолација.
– На повторениот тест, Вељко и јас сме позитивни. И двајцата се чувствуваме добро, немаме никакви симптоми. Ќе бидеме во домашна изолација до наредното тестирање – изјави Цеца за „Блиц“.
Популарната пејачка одлучи да се тестира по прославата во нејзиниот дом на Дедиње за раѓањето на внукот, откако била во контакт со заразена личност. Прво направила серолошки тест, кој покажал дека е негативна на вирусот. Денес, пак, ѝ бил изработен ПЦР тест, со земање на брис од грло и нос, кој покажал дека е инфицирана.
