Македонците од Сиднеј по повод големиот успех на Македонија и влезот во европското првенство во фудбал се собраа во просториите на еден од најзначајните македонски клубови во Австралија -фудбалскиот клуб Илинден од Сиднеј.
Управата на ФК Илинден организираше масовна прослава и ги повика македонците од Сиднеј да се придружат и заедно да го прослават еден од најголемите успеси на фудбалската историја на Македонија.
Се печеа прасиња на жар , традиционалните кебапи и незаменливото гравче беа на менито а за забавата се погрижи познатиот Гоце Петрески- Бананата .
ФК Илинден неодамна одбележа голем успех освојувајќи го второто место во премиер лигата на Нов Јужен Велс каде загуби со еден гол на пенали од Сиднеј Јунатед по 2 часовна борба.
Фотографии-VJSliki/ Шило
