Елена Велевска една од најпознатите пејачки на македонската естрада заедно со колегата од поп естрадата Александар Тарабунов неодамна гостуваше на ТВ „Алфа“ во емисијата „Фолк парада“ кај новинарката Антина Даева. Велевска зборуваше за својата музика и одговараше на прашања од гледачите.
Еден од гледачите ја праша дали мисли дека би била толку успешна во кариерата ако не се омажеше и ако немаше деца. Велевска на почетокот малку се зачуди од ова прашање, и потоа одговори:
– Сигурно дека ќе бев посупешна ако не се омажев и ако немав деца, ќе направев повеќе, но децата ми се најважни, тие се мојата мотивација во животот“, одговори Елена.
Елена истакна дека се трудела да го зачува бракот, но не успеала. Вели дека ќе се потруди годините поминати во брак да бидат основа за ги зачува добрите односи со поранешниот сопруг, Марјан Мирчески. Таа додаде дека мажи има насекаде низ светот, а дека децата ѝ се најбитни од се.
