Судбина”: Текст на Александар Стевановски напишан по вистинска случка – ќе ви го скрши срцето.
Младиот и веќе истакнат текстописец Александар Стевановски години наназад е посветен на создавање музика преку пишување стихови, а по тоа и стана познат и на јавноста, откако неколку истакнати имиња отпејаа негови текстови, меѓу кои е и песната “За Велигден” на Ѓоко Јовиќ.
Ако порано на социјалните мрежи кај Александар можевте секојдневно да сретнете по неколку нови текстови, тоа од поодамна не е повеќе така, но овој пат младиот текстописец реши да направи исклучок и да сподели текст со сите.
Како што успеавме да дознаеме од Александар, текстот не е објавен случајно, туку е напишан наменски и е објавен со посебна причина.
-Познавам еден релативно млад пар кој подолг период не е заедно а самото тоа низ што помина тој пар ме натера да овековечам некои болни моменти кои заслужуваат да бидат некаде запишани. Имено, тие се надеваа на дечиња а љубовта им беше поголема од небото. Кратко траеше и од она што јас го знам како информација, единствената причина за нивното раскинување е од здравствен аспект. Девојката која се викаше Мимоза не издржа да остане со љубовта на нејзиниот живот и заедно да пребродат се, иако и таа се соочуваше со здравствени проблеми додека тој беше потготвен на се за неа, па одлучи да ја напушти земјата и среќата да ја бара некаде далеку од се. Додека дечкото се опоравуваше од здравствени причини, мораше истовремено да се избори и со тагата што најважната личност го напушти и не успејаа никогаш да имаат деца кои толку многу ги посакуваа. По година дена тој дознава дека неговата единствена љубов е во блажена состојба и се радува како детето да е плод на нивната љубов, иако тоа му е само уште една болка. Како одминува времето, тој дознава дека таа го изгубила бебето кое што со новиот животен сопатник го очекувале и дека доживеала непоправлива психичка болка.
Во моментот кога дознав за целата случка, се наоѓав на автобуска и чекав такси, па некако самата измореност од работните обврски се поклопи со целата таа тага и во само еден момент напишав нешто кое што ми го искина срцето како да се силни ветришта- вели Александар за Шило Магазин.
Во продолжение погледнете го текстот:
