Mалтретирањетo и вознемирување продолжува, напиша Македонското студенстко друштво по повикот на нивните колеги Грци за обединување на грчката заедница во борбата за зачувување на „историскиот еленски симбол, сонцето од Вергина”.
На собир на македонски студенти на Универзитетот во Мелбурн беше поставено и знаме со симболот на сонцето од Кутлеш. На ова веднаш реагираа студентските друштва на студентите Грци кои повикаа на обединување на грчката заедница против скопјаните студенти од Мелбурн кои користеа „осквернавена верзија на историскиот еленски симбол“.
На ова одговори Македонското студенстко друштво:
„Срамота е во Австралија, во 2019 година да бидеме сведоци на кампања на омраза против Македонците, државјани на Австралија, против нивното право да го покажат своето етничко наследство, исто како што и секој друг студент на универзитетот во Мелбурн тоа го прави. Највознемирувачкиот дел е повикот грчката заедница да се обедини околу ова прашање.
Имаме едноставна порака до нив: Однесете ја вашата омраза со билет од еден правец назад кон Атина. Ваквото однесување не припаѓа тука“.
Македонското студентско друштво на Универзитетот во Мелбурн ги информира своите членови дека обезбедува бесплатна правна помош доколку кој било од Македонците добие некакво официјално барање за отстранување на македонскиот симбол.
