7.9 C
Ohrid
вторник, март 19, 2024
ПочетнаАвстралија„Македословени“ и македословенски јазик – Хеленскиот совет бара Австралија да го спроведе...

„Македословени“ и македословенски јазик – Хеленскиот совет бара Австралија да го спроведе преспанскиот договор и да ги преименува македонците и јазикот

Македословени – е новото име кое грчките организации од Австралија почнуваат да го применуваат во официјалната комуникација во оваа држава. Австралискиот хеленски совет од австралиските власти бара доследно почитување на Преспанскиот договор и забрана на употребата на зборот македонски/Македонци од страна на македонските организации во Австралија, пишуваат грчките медиуми од Австралија.

„Ја молиме нашата австралиска влада да ги признае правата на Македонците од хеленско наследство и потекло (повеќе од 2,8 милиони кои живеат во грчката провинција Македонија и повеќе од 260 илјади кои живеат во Австралија), нашата историја и култура како Македонци со грчко потекло и култура, различно од етничкото македословенско, албанско, ромско и влашко население од новонастанатата земја и уставно прифатено од нејзиниот народ, како и од ООН, ЕУ и НАТО како Северна Македонија“, пишува во писмото кое Австралиско хеленскиот совет најавува дека ќе го прати и до македонскиот премиер Зоран Заев.

Во барањето до Владата во Канбера и до австралиските медиуми се укажува на „продолженото провокативно однесување на македословенската заедница во Австралија.

Забележуваме дека Преспанскиот договор склучен меѓу Атина и Скопје е спротивен на желбата на Хелените ширум светот. Поимот „Македонија“ и дериватите од тоа се чисто, исклучиво, историски и етимолошки грчки… Бараме секој наш сонародник да остане буден и да нè информира за какво било незаконско однесување од страна на Македословените, како и за секој инцидент што е во спротивност со Договорот од Преспа од страна на Македословените и нивните водачи“.

Во писмото се укажува на тоа дека официјалното име на новонастанатата држава е „Република Северна Македонија“, дека националноста е „македонска/државјани на Република Северна Македонија“, јазикот е македонски јазик од групата јужнословенски јазици, кои не се поврзани со античката хеленска цивилизација, историја и наследство… Толернацијата на непочитувањето на Преспанскиот договор од македонски правни лица, поединци, компании и организации е спротивна на потписот од Договорот и на нивниот сопствен Устав. Тие продолжуваат да ја нарекуваат својата земја како „Македонија“, а не „Северна Македонија“, според нивното уставно име признаено од ООН, продолжуваат националноста да ја нарекуваат како „македонска“ без да означат – „граѓанин на Република Северна Македонија“, јазикот да го нарекуваат „македонски“ без објаснувањето „јужнословенски“… Тие продолжуваат да го употребуваат античкиот симбол на Вергина, регистриран грб на Република Грција, признаен од Светската организација за интелектуална сопственост (чиј член е Австралија), на производите увезени во Австралија пишува „Македонија“, а не „Северна Македонија“. За жал, некои австралиски владини агенции ги игнорираат одредбите од Договорот од Преспа, спротивно на прифаќањето на овој договор од страна на австралиската влада.

Ја повикуваме нашата австралиска влада да биде внимателна и преку Министерството за надворешни работи и трговија, да ги насочи сите оддели и организации да ги почитуваат одредбите од Договорот од Преспа и да не постапуваат спротивно на овој договор, бараат Грците од Австралија и овие активности ги нарекуваат иридентистички со територијални претензии.

 

spot_img
spot_img
ПОВРЗАНИ СТАТИИ

Најпопуларни

Повеќе постови

Костадиновска-Стојчевска: Го исполнивме аманетот на нашите предци – до крајот на 2025 година, нов „Центар за македонски јазик“ во Љубојно

Министерката за култура Бисера Костадиновска-Стојчевска, директорката на Институтот за македонски јазик „Крсте Мисирков“, Елена Јованова-Грујовска, и проф. д-р Елизабета Бандиловска, член на Советот за...

Ковачевски: Не даваме лажни ветувања-Имаме конкретна програма и визија каде ја гледаме Северна Македонија до 2030 година

„На изборите ќе насташиме со искусни членови кои вршеле низа функции и во партијата и во државата. Јас ќе бидам во Изборната едниница 1,...

Николоски: Со оваа власт процветаа криминалот и корупцијата во Македонија, но крајот им се ближи и ќе одговараат пред законот

Потпретседателот на ВМРО-ДПМНЕ, Александар Николоски во емисијата „За или против“ на Алфа телевизија истакна дека со оваа власт криминалот и корупцијата процветаа во Македонија,...

Не се откажувам од претседателската трка! Ни Американци ни свети Американци нема да кажат кој ќе управува со Република Македонија

Им се извинувам на сите Македонци и сите македонски граѓани што сум јас причината за една ваква вознемирувачка вест, истакна на денешната вонредна прес-конференција...