Март 2018 утрото Охрид се разбуди без дивоградби и узурпирани државни површини од земјата и езерските води, бидејќи по невремето природата не остави ништо на узурпираниот простор.
Немаше ни платформи, ни бетонски тераси кои ги прекриле некогашните плажи. Силниот ветар, кој дуваше со брзина од над 90 километри на час, предизвика штета на повеќе места на крајбрежјето на Охрид. За справување со последиците, заседаваше Кризниот штаб на општина Охрид, на кој беа договорени конкретните активности на надлежните служби и нивна координација.
Но вечно незадоволните угостители од Охрид побараа градот да им исплати штета за урнатите објекти дивоградби ( платформи и бетоски тераси на узурпирани плажи ) и нивното барање стигна пред советниците во Советот на општина Охрид кои тој 30 октомври 2018 го испишаа веројатно најцрниот ден во историјата на охридската локална политика и јавно пред камери, советниците на СДСМ и ВМРО ДПМНЕ гласаа против предлогот да се дадат пари за лекување на болно девојче, и гласаа ЗА елаборатите со кои требаше да се исплати штета за дивоградби урнати во невреме.
А денес се случува сосема спротивното. Во официјалното соопштение на Општината стои дека „Момир“ „Ликвид“ и Аквариус сами се понудиле да ги рушат платформите, додека истовремено од општината ќе бидат вршени контроли за тоа дали навистина ќе бидат урнати.
