Основното јавно обвинителство Куманово, поднесе жалба на пресудата на Основниот суд во Куманово, со која го ослободи од вина Љубомир Митев (79) од Којково, Кратовско, за обид на убиство во миг и ранување на напаѓачот во неговиот дом и во делот на условната казна за поседување на оружјето.
Обвинителството со оглед дека го изгуби спорот мора да поднесе жалба на првостепената пресуда за таа да биде потврдена од Апелациониот суд во Скопје, но судот има можност пресудата и да ја укине или преиначи.
Случајот на дедо Љубе стана актуелен откако јавноста дозна дека дедото бил нападнат во својот дом од насилници и пукал за да се одбрани од нив. Разбојништвото беше 2013 година во планинското село Којково. Двајца разбојници го нападнале дедото и сопругата , но дедо Љубе успеал да грабне ловечка пушка и да пука . Едниот го уби другиот го рани.
