По катастрофалниот земјотрес во Албанија во кој загинаа 51 лице, албанското обвинителство издаде 17 налози за апсење на лица за делата убиство и злоупотреба на службената положба.
Полицијата и обвинителството соопштија дека првичните истраги покажале дека жртвите загинале затоа што градежници, инженери и инвеститори не ги почитувале безбедносните правила и стандарди во градбите, јавува „Ројтерс“.
Двајцата од приведените кои се сомничат за убиство се сопственици на два хотели кои се срушија во Драч, а под чии урнатини загинале четири лица. Меѓу уапсените е и менаџер на полициски хотел за одмор кој се сруши при што загина висок полициски функционер.
Албанската полиција соопштила и дека дел од 17 лица за кои се издадени налози за апсење избегале веднаш по земјотресот на 26 ноември
