Поранешниот градоначалник на општина Гази Баба, не се појавил денес на судењето за “ТНТ”, бидејќи бил претепан поради кучиња.
Неговиот адвокат, Јовица Страшковски, поднел документ пред судот во кој се тврди дека Трајковски со повреди по главата и телото бил пренесен во болница.
Инцидентот е во билтенот на МВР и бил пријавен во полицијата.
“На 22.12.2019 околу 23,35 часот Т.Т. пријавил дека во Скопје на пешачка патека во близина на болница, по претходна вербална расправија со две лица, бил физички нападнат од нив. С е работи на расчистување на случајот”, соопштуваат од МВР.
Сопругата на екс-градоначалникот на Гази Баба за “360 степени” изјавила дека тој има повреди на главата, лицето и грбот и не може да зборува, но и дека треба да прими тетанус“.
Потсетуваме, ако случајот ТНТ не заврши до утре, тогаш ќе се врати од почеток, поради завршување на мандатот на една од поротничките.
