19 C
Ohrid
среда, септември 23, 2020
Почетна Македонија После три години полицијата ги откри сторителите на убиството на Дилавер Бојку...

После три години полицијата ги откри сторителите на убиството на Дилавер Бојку Леку.

Translate (Eng):[gtranslate]

Поради постоење основи на сомнение за сторени казнени дела „убиство“ и „убиство во обид“, Оделението за внатрешни работи Струга, поднесе кривична пријава против К.Л. (33) од струшкото село Ливада како и против Е.О.(39), од истото село, за сторено казнено дело „помагање“.

Според пријавата на 14.08.2017, првопријавениот К.Л. на летна тераса од угостителски објект во Струга со револвер го лишил од живот 58 – годишниот Дилавер Бојку – Леку од струшкото село Велешта, а потоа пукал и кон А.Б.(41) од Струга и Б.С.(28) од селото Велешта. Второпријавениот Е.О. со патничко возило „мерцедес“ со швајцарски регистарски ознаки, по претходен договор со сторителот, го однел до угостителскиот објект, соопшти полицијата.

Од СВР Охрид засега не откриваат дали осомничените за убиството се достапни на органите на истрагата.

РЕКЛАМА

Од досегашниот тек на истрагата за случајот утврдени се елементите кои ги соопштивме на јавноста. Поради специфичноста на случајот и истрагата, повеќе детали не можеме да објавиме. – ни изјави кусо во телефонски разговор портпаролот на СВР Охрид, Стефан Димовски.

OhridNews

- Реклами -