Тестовите последните денови покажуваат намалување на бројот на заболени од Ковид 19, според кои околу пет отсто од тестираните се позитивни, поради што може од наредната недела да се размислува за олабавување на мерките. Ова го соопшти министерстерот за здравство, Венко Филипче, според кој, трендовите на заразата се следат подолго време, пред да се донесе каква било одлука за актуелните мерки.
По вчерашното собирање на граѓаните на литијата во Струга, Филпче имал средба со МПЦ и ИВЗ , на која ги потсетил верските заедници дека е забрането групирање на повеќе од двајца. Ова особено и пред најавата на ИВЗ дека на 12 мај џамиите ќе бидат отворени.
На прашањето дали ќе биде санкционирана ИВЗ поради тоа што и денеска влегуваат верниците во џамиите, Филипче ги повика инситуциите да преземат мерки, особено, што, како што рече „собир е собир“.
-Секое непочитување на мерките може да не’ врати назат. Апеалирам институциите овие случаи да ги расчистат, изјави Филипче.
Во овој момент не планираме посебни мерки за Струга, дури планираме и попуштање на мерките. Сериозен ризик е ваков настан. Колку мнозинството и да ги почитува мерките, во вакви случаи и најмал контакт може да направи кластер. И во таа наа насока беше апелот до верските заедници. Само почитување на таа мерка може да не движи во насока на враќање назад во евидемијата.
На прашањето за препораките по олабавување на мерките, каква да биде комуникацијата, Филипче кажа дека треба да преовлада свеста дека постарите лица мора да ги заштитиме.
-Треба да се почитуваат правилата, особено што некој може да е асимптоматски носител на вирусот. И во тие посети треба да се носат заштитни мерки. Ако е на затворено, задолжително, ако е на отворнео, ако нема услови за дистанца, рече Филипче.
ммс
