На улицата „Никола Карев“ кај Железничката станица во Скопје сообраќајот беше во прекин поради сообраќајка во која од камион кој превезувал стакла, товарот завршил искршен на коловозот.
Нема информации за евентуални повредени во сообраќајката, но причинета е материјална штета. Веројатно при нагло кочење од камионот паднале стакла за кои допрва полицијата треба да утврди дали биле соодветно прицврстени.
Инаку, токму улицата „Никола Карев“ моментално се реконструира и возењето по неа треба да биде со намалена брзина.
