Криза е новата песна на Јордан Трајаноски Парго, Стефан Стојкоски и Зоран Грбиќ.
Песната е снимена на повеќе локации во Охрид.
„ Криза “ е дело на Јордан Трајаноски Парго и Стефан Стојкоски (King Gold) од Охрид и стружанецот Зоран Грбиќ (zokizoc). Музиката, миксот и мастерингот се на Јордан Трајаноски, кој заедно со Зоран Грбиќ го направи и аранжманот. Текстот е на Јордан Трајаноски и Стефан Стојкоски, видеото на Јован Ристески, а видео монтажата на Стефан Стојкоски.
Сите тие спаѓаат во екипата на New Tone.
New Tone e музичка продукција создадена од млади лица со желба и талент за создавање, кои ќе внесат свежина на македонската сцена.
Приказната започнува уште пред 2013-та кога Стефан Стојкоски и Бобан Илиевски заедно со Станко Стевановиќ започнуваат да снимаат рап песни под името H2O records , иако сосема аматерски , сепак тоа се првите почетоци и од тука доаѓа идејата. Подоцна на тимот се приклучува и Јордан Трајаноски ( Парго) , а потоа и Арбен Бајрам. Секој член ја сака музиката уште од мали нозе и е со музичка позадина зад себе.
Зоран Грбиќ Зоц(Зоки Зоц) ја сака музиката од мали нозе , како музички образован кадар веќе 4 години е активен на музичката сцена како клавијатурист на Blue Band кои беа во соработка со познатата група 2 бона во која заедничка соработка ги снимаат песните „ Револвер“ и „ Лажи ме “ Зоран сега во соработка со Охридската екипа на New Tone ја снимија најновата „ Криза“ и вели дека ова е само почеток на многу проекти.
Јордан Трајаноски Парго еден од создавачите на New Tone се занимава со музика од својата 11 годишна возраст и така се до денес, во продуцентски води влегува уште во своите средношколски денови, Криза е неговата прва професионална песна, а во процес се уште неколку.
Стојкоски Стефан ( кинг конг) со продуцирање рап музика се занимава повеќе од 10 години, а со „мејнстрим “ рап се занимава веќе 2 години. Стефан има соработка и со охридскиот youtuber Wik Kakarotski за песната „300 бензин 200 плин“ . Подоцна се појавува со проектот „ Времеплов“ заедно со Моника Стојкоска, за кој исто така се потпишува позади видео-спотот.Стефан е еден од основачите на New Tone и вели дека следуваат уште многу проекти и соработки.
Интересно за New Tone е тоа што всушност покрај аудио, работат и како видео- продукција, како за себе, така и за останати артисти.
