Матурантите од понеделник се враќаат на настава. Сојузот на средношколци донесе одлука за привремено прекинување на бојкотот, но уште утре нема да се вклучат на часовите.
Уверени се дека имаат поддршка од 70 пратеници за гласање на предлог-измените кои ги поднесе ВМРО-ДПМНЕ во услови на пандемија наместо четири да се полагаат два предмети. Меѓутоа, ако народните избраници не ги изгласаат, тогаш следува радикализација.
-Ако нема резултат и нема да успее нашите барања да бидат прифатени да се измени Законот за средно образование во Собранието, тогаш ние ќе се радикализираме и ќе направиме протест. Веќе да имаме бојкот, но ќе направиме протест ако нашите барања не се прифатени во Собрание, вели претседателот на Сојузот на средношколци, Бленди Ходаи.
