Пратеникот Димитар Апасиев денеска на седницата за пратенички прашања побара од Владата да интервенира и да ги намали цените за лекување од Ковид во приватното здравство и да се намалат екстрапрофитите на приватните болници.
На ова премиерот Зоран Заев рече дека државните болници го имале сето она што го имаат и приватните.
-Ако живеете во демократија не можете да се однесувате како во комунизам. Во приватните болници нема ништо подобро од тие во јавното здравство. Немаат инфективни одделенија, а сакале да одат граѓаните во приватните болници. Никогаш не сме се довеле до таму да нема место во јавното здравство за болен од Ковид. Болен од Ковид не плаќа ништо во јавното здравство. Што бараат сега во приватното?“, рече Заев.
Заев му замери на Апасиев за изјавата до власта дека „ќе висите заедно“ и рече дека за тоа се одговара. На тоа Апасиев му одговори дека слободно може да го одземат пратеничкиот имунитет и да го судат.
-Повелете, гонете ме, не ви се плашам. Моите очила се зелени, сакам да ми ги позајмите вашите розеви. Кога над 60.000 граѓани останаа без работа да зборувате дека условите се исти во приватни и јавни болници е срамота. Во приватните болници нема буба шваби,а не сум слушнал исто така дека таму паѓаат фекалии, реплицираше Апасиев.
фокус
