Во Белград уапсен Раде Трајковски-Штекли кој неофицијално го поврзуваа со убиството на Мартин Јанушев

Раде Трајковски-Штекли е уапсен пред неколку дена во Белград, дознава „Фокус“ од доброупатени извори. Тој е еден од многумината бегалци од државата кои се бараат со меѓународна потерница, а според информациите објавени од МВР, треба да издржи шестмесечна казна затвор.

„Се бара по потерница на Основниот суд-Скопје 1, по член 131 став 1, во врска со член 22 од КЗ, за издржување на казна од 6 месеци“, се наведува на сајтот на МВР.

Но, неговото име одекна во јавноста пред четири години кога се случи убиството на младиот фудбалер Мартин Јанушев. За убиството беше осомничен и обвинет Филип Секуловски- Кобра, кој беше уапсен по две години бегство. Сепак, кога се случи немилиот настан, и името на 37 -годишниот Штекли неофицијално се поврзуваше со убиството, односно медиумите тогаш објавуваа дека Секуловски пред да го убие Јанушев најпрвин се сретнал со Штекли. Сепак, тој никогаш не беше обвинет за било каква улога во крвавиот чин. Штекли, на денот на убиството, на социјалната мрежа фејсбук објави фотографија од Белград.

Извор: Фокус

ОСТАВИ КОМЕНТАР

Please enter your comment!
Please enter your name here