Вчера почина поранешниот пратеник од Струга, Стојче Ковачевски.
Голем број социјалдемократи се простуваат од него преку свои објави на социјалната мрежа фејсбук.
Меѓу нив и министерката за одбрана Радмила Шекеринска.
„Засекогаш замина нашиот другар, нашиот соборец социјалдемократ, доктор по интерна медицина и поранешен пратеник Стојче Ковачевски од Струга. Споменот на овој прекрасен човек засекогаш ќе остане во нас. Неговата чесност, принципиелност, праведност и преданост го правеа посебна личност во политиката. Сочувство до семејството!“, напиша Шекеринска на Фејсбук.
И поранешниот пратеник Алил Џафероски се прости од својот поранешен колега и пратеник во уставотворното собрание од 1991 година.
