8.9 C
Ohrid
сабота, април 20, 2024
ПочетнаМакедонијаКовачевски: Провокаторите и негаторите на македонскиот народ и држава нема да можат...

Ковачевски: Провокаторите и негаторите на македонскиот народ и држава нема да можат да влезат во земјава

Како настан под висок безбедносен ризик, Македонија ги прави последните подготовки за чествување на раѓањето на Гоце Делчев – Од синоќа улицата „Самоилова“ е затворена за возила. Премиерот Димитар Ковачевски денеска вели дека се преземени сите мерки за безбедно чествување на 4 февруари.

Со апели за мирно чествување се јавија министрите за внатрешни работи, Оливер Спасовски и за надворешни работи, Бујар Османи. Спасовски освен граѓаните, на одговорно чествување ги повика и политичарите и порача никој да не подлегнува на повиците за граѓански стражи и блокади на улици.

Оливер Спасовски – Министер за внатрешни работи – „Како министер за внатрешни работи нема да дозволам понижување на македонскиот народ. Мораме да ја деескалираме состојбата што неодговорните политичари, групи и поединци сакаат да ја влошат. Нема да дозволиме никаква ескалација, инцидент или понижување на македонскиот народ и држава од никого“.

Османи пак, повика да се покаже зрелост и да не се дозволи да се подгрева национализмот преку говор на омраза. Оние кои ќе дојдат во Македонија на чествувањето, ги повика да се однесуваат со почит кон земјата и граѓаните.

И опозицијата повика на мирно чествување. Координаторот на пратеничката група на ВМРО-ДПМНЕ, Никола Мицевски посочи дека за првпат во незнависна Македонија граѓаните наидуваат на затворена улица на 4 февруари.

Во меѓувреме, македонското, но и бугарското МВР велат дека прават се за мирно чествување на празникот. Од бугарската полиција велат дека ќе ги преземат сите мерки, но не прецизираат што би презеле на бугарско-македонската граница. Македонската полиција пак, вели дека за безбедноста ќе се грижат единствено тие, по претходно изготвен план.

Иако од МВР кажаа дека утре ќе одлучуваат кој ќе биде, а кој не пропуштен на граница, сепак неофицијалните информации на ТВ24 се дека десетина државјани на Бугарија најверојатно нема да бидат пуштени да влезат во Македонија, а меѓу нив и контроверзни политичари. Ковачевски денеска кажа дека секој кој ги понижува македонците нема да влезе во Македонија, без да посочи за кого станува збор.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...