10.1 C
Ohrid
сабота, ноември 28, 2020
Почетна Македонија Скопската Зоолошка ќе добие бел лав и бела лавица

Скопската Зоолошка ќе добие бел лав и бела лавица

Translate (Eng):[gtranslate]

Во скопската зоолошка градина пристигна женката лавица Бела од Германија, а се очекува следната недела да биде донесен и мажјакот Чака кој ќе пристигне од Франција.

Директорот на Зоолошката, Ѓорѓи Галетановски откри дека во наредниот период имаат план да донесат бели тигри и други бели видови на животни.

„За прв пат во Скопје и Македонија ќе има бели лавови. Планираме да донесеме бели тигри и други бели видови. Град Скопје вложува и Европа се залага за што побрзо, нашата Зоолошка да биде европска. Ние сакаме годинава да достигнеме максимална посетеност на скопската Зоолошка“, вели Галетановски.

РЕКЛАМА

Скопската зоолошка градинава обезбеди живеалишта според светски стандарди за овие лавови кои се редок вид.

Во моментов, во светот има околу 300 бели лавови, а најраспространети се во југозападниот дел на Јужна Африка во природниот резерват Санбона. Еден ваков лав може да чини и до 138.000 долари.

Иако многумина ќе помислат, сепак научно е докажано дека белите лавови не се албиноси.

Според една стара легенда, белиот лав бил заштитник на африканските племиња. Тој ги заштитувал од болести. Според преданието додека има бели лавови на земјата, нема место за грижа кај луѓето.
Во Африка, а особено во Тимбавати, белите лавови се сметаат за свети животни.

- Реклами -