15 C
Ohrid
среда, октомври 28, 2020
Почетна Македонија Америка пред граѓанска војна . Полицијата клекна пред демонстрантите

Америка пред граѓанска војна . Полицијата клекна пред демонстрантите

Translate (Eng):[gtranslate]

Демонстрантите и полицијата се судрија и во Њујорк, Филаделфија, Лос Анџелес и Атланта, поради што градските власти, како и властите во Мајами и Чикаго, прогласија полициски час.

Полицајци во Њујорк и во окрузите Флинт и Мичиген клекнаа на улица пред демонстрантите кои протестираат поради смртта на Афроамериканецот Џорџ Флојд кој беше убиен од полицаец, иако не бил вооружен.

Со ваквиот гест полицајците сакаа да покажат солидарност со огорчените демонстранти и покажаа дека се против насилство, истовремено оддавајќи му почит на Флојд.

РЕКЛАМА

Меѓу нив беше и шефот на полицијата во Бруклин Џефри Мадреј, кој е Афроамериканец.

Некои од демонстрантите им довикуваа „благодарам“ на полицајците, а еден од демонстрантите на глас прочита имиња на други Афроамериканци убиени од полицајци без прoвокација.

Немирите низ земјата ги ставија САД на работ на граѓанска војна. Групи незадоволни граѓани имаше на протестите во Далас, Лас Вегас, Сиетл, Мемфис и на други место, дури и во Вашингтон пред Белата куќа. Тие извикуваа „Животите на црнците се важни“ (Black lives matters) и се соочиja со полицајците опремени со штитови и полиција на коњи пред оградата на Белата куќа.

Избувна и пожар во близина на Белата куќа, веднаш по завршувањето на полицискиот час. The Guardian пишува дека пожарот избувнал во подрумот на црквата на св. Јован која од 1816 се нарекува и „црква на претседателите“. Пожарникарите на градот Вашингтон за кратко време го ставиле пожарот под контрола.

Полицаецот кој го уби Флојд,  Дерек Шовин, е уапсен, но Американците сакаат неговото обвинение да биде за убиство со умисла и да бидат уапсени тројцата други полицајци кои учествува при апсењето.

 

 

- Реклами -