14 C
Ohrid
сабота, октомври 31, 2020
Почетна Македонија Само Земјоделското училиште во Битола со дозвола за физичка настава по сите...

Само Земјоделското училиште во Битола со дозвола за физичка настава по сите предмети

Translate (Eng):[gtranslate]

Од 18 основни и средни општински училишта во општина Битола и едно државно средно, од кои половината бараа настава со физичко присуство на учениците, согласност доби само едно средно школо во градот, тоа е Земјоделското „Кузман Шапкарев“ за настава по сите предмети.

Државното музичко училиште дозвола доби со физичко присуство на ученици да ги одржува стручните премети, но не и општообразовните предмети, теоретските, солфеж, хор, оркестар и хорско пеење.

Од основните училишта во градот само „Ѓорги Сугарев“ доби дозвола за настава со физичко присуство, но во посебната паралелка, како и повеќе училишта во руралните средини. Според ова, најголемиот дел од училиштата и учениците во градот настава ќе држат онлајн.

РЕКЛАМА

Владата одобри кои училишта може да имаат настава со физичко присуство
Општина Битола веќе издвои над 7,8 милиони денари или 120.000 евра за набавка на компјутери и силна интернет врска за сите наставници и професори да можат онлајн настава да држат од основните и средните училишта во градот. Исто така, за сите училишта набавени се и бесконтактни топломери.

„Во однос на училиштата и состојбата со пандемијата Општина Битола издвои за набавка на компјутери и интернет врска 5,9 милиони денари за основните училишта и 2,4 милиони денари за средните училишта. За секоја училница во која наставниците и професорите ќе можат да држат настава, се обезбедува по еден компјутер“, рече Валентин Груевски, претседател на Советот на Општина Битола.

Пишува: Слободна Европа

- Реклами -