17.1 C
Ohrid
среда, мај 12, 2021
Почетна Македонија Детали за починатите родилки - на возраст од 33 и 32 години

Детали за починатите родилки – на возраст од 33 и 32 години

Translate (Eng):[gtranslate]

Две родилки починаа во болница во последното деноноќие како последица на ковид-19, дознава Плусинфо.

Двете биле второротки и биле во мошне тешка состојба. Едната имала 33, другата 32 години. Бебето на едната родилка е испуштено дома во добра општа состојба, а другото бебе е во критична состојба.

Едната почината родилка е 33-годишна жена од Делчево, второротка, ковид-позитивна.

РЕКЛАМА

Со царски рез е породена термински, со машко бебе од 2.900 грама кое во добра општа состојба веќе е испишано од ГАК со тежина од 3.200 грама.

Родилката била примена на ГАК на 10 март во лоша состојба, фебрилна со 38,5 температура, со ниска сатурација и со кашлица. Породена е на 11 март и поради влошување на клиничката состојба, на 14 март е препратена на понатамошно лекување во ГОБ „8 Септември“.

Ден пред хоспитализација на ГАК, на 9 март добила негативен PCR тест, а на Клиниката за гинекологија на 10 март добила позитивен резултат по направен антигенски рапид тест.

Втората почината родилка е 32-годишна скопјанка. Породена е предтермински, со царски рез во 30 недела од бременоста. И таа е второротка.

Родилката била донесена од Инфективната клиника во Скопје на ГАК на 20 март во тешка состојба и само неколку часа по породувањето, поради исклучително лошата клиничка состојба, била препратена на КАРИЛ.

Предвременото роденото бебе е женско, кое сѐ уште се наоѓа на Одделот за интензивна нега на ГАК е респираторно зависно.

- Реклами -