Министерот за внатрешни работи, Оливер Спасовски, во денешниот „Утрински брифинг“, коментирајќи ја аферата „Мафија“, вели дека деветмината полициски службеници кои вчера беа уапсени во меѓународна акција, пасошите со лажен идентитет за наркобосовите ги издавале за пари. Според Спасовски, еден таков пасош можќе да се наплати и 20.000 евра.
Министерот вели дека акцијата траела две години за да се опфати што е можно поголем круг на следени лица и за да се дознаат што е можно повеќе важни информации, но и дека постоела претпазливост доказите да бидат релевантни.
„Индициите се една работа, вие на крајот тоа што ќе го сработите, мора да го докажете. Има многу мерки кои се превземени во рамки на истрагата, а за кои дозвола треба да даде онбинителот. Било која обвинителска постапка, ја води обвинителот и од таму се добиваат сите мерки., Ние можеме поретходно да добиеме оперативни сознанија и податоци, но доколку тие не се прибават на начин на којшто е пропишано во законот за кривична постапка, тие не можат да се користат како докази
Дополнително, кога има интерес да се вклучат и стратешките партнери, не е важно да се дојде до одреднеи поединци, туку да се дојде до што е можно поголем круг на луѓе и да го вдииме патот по којшто се движеле. Идејата беше да видиме каде се движат, зошто ги користат овие патни исправи и тоа е една опсежна меѓународна акција“, вели Спасовски.
Тој додаде дека во полицијата кругот на апсења е затворен со деветмина приведени и еден во бегство, а истрагата ќе се проширува на другиу подрачја.
Потсети дека во претходната акција со апсење на полициски службеници, за изработување на лажна возачка дозвола било наплаќано од 1.500 до 2.000 евра.
faktor
