10.8 C
Ohrid
четврток, мај 6, 2021
Почетна Здравје и убавина Лекарите кои пресадија срце, се поклонија пред телото на девојката донор

Лекарите кои пресадија срце, се поклонија пред телото на девојката донор

Translate (Eng):[gtranslate]

Лекарите и тимот кој во текот на ноќта изврши трансплантација на срце, се поклони пред телото на девојката која животот го загуби во сообраќајна несреќа и чие срце сега чука во телото на 27-годишно момче кое подогло време чекало донор.

„Историска фотографија, докторите ѝ се поклонуваат на младата девојка чие семејство одлучи да ги донира нејзините органи. Нејзиниот млад живот трагично згасна, но нејзиното срце спаси друг млад живот. Нема зборови со кои може да се искаже благодарноста кон семејство. Нема зборови со кои може да се опише алтруизмот и големината на чинот на органодарителство. Во моменти на длабока тага да се донесе одлука за донирање на органите на блиските е дефиниција за хуманост“, напиша министерот за здравство Венко Филипче на својот фејсбук-профил каде ја објави како што рече, историската фотографија.

Во текот на ноќта на Клиниката за кардиохирургија беше извршена втората трансплантација на срце во историјата на Македонија, а операцијата беше извршена врз момче на 27 годишна возраст, кoe подолго време чекало донор. Момчето го доби срцето од девојка која загина во сообраќајна несреќа, а нејзиното семејство дало согласност за донирање на нејзините органи.

РЕКЛАМА

 

Во мај минатата година беше извршена првата успешна трансплантација на срце од донор. Срцето на починатата Емилија Динева продолжи да чука во 53 годишниот Иван Огненовски, кој долго време чекаше донор.

- Реклами -