13.9 C
Ohrid
четврток, март 28, 2024
ПочетнаМакедонијаИнвазија на „мали црни замотани во круг“ црвчиња има насекаде низ Скопје.

Инвазија на „мали црни замотани во круг“ црвчиња има насекаде низ Скопје.

ПОРАДИ ЗГОЛЕМЕНА ВЛАЖНОСТ НА ВРЕМЕТО
Инвазија на „мали црни замотани во круг“ црвчиња има насекаде низ Скопје. Таква е сликата изминатите неколку дена во главниот град, а граѓаните велат дека не можат, а да не ја забележат нивната сѐ почеста присутност. Се лепат за ѕидови, за бетон и многу тешко можат да се тргнат од површините.
Жителите на метрополата велат дека дворовите, но и другите површини низ градот, кејовите, тротоарите се преполни со вакви мали црви, кои произведуваат звук на пукање доколку по грешка ги згазнете.

БИЛО ЦРВИ ИЛИ СТОНОГАЛКИ, ГИ ИМА НАСЕКАДЕ

Сопствениците на куќи, но и преостанатите реагираат дека изминатиот период, низ дворовите и јавните површини на големо можат да се забележат мали црвчиња замотани во кругче, од кои иако нема никаква штета, сепак не се пријатни за гледање.
– Имам инвазија на црви, стоногалки или што и да се овие суштества во дворот. Не знам како да ги отстранам. Имам мали деца, кои воопшто не се плашат од нив, ги земаат со раце и играат и се плашам дека можат да ги стават во уста. Сепак станува збор за црви и не би сакала да бидат во близината на моите деца. Иако е природна работа, штом излегле значи има зошто излегле, но ги имам по ѕидовите, по дворот, залепени се буквално насекаде. Кога ќе се замотаат во круг, многу е тешко да се изметат со метла, бидејќи како да се залепени за бетонот и многу е тешко да се отстранат – вели Бисера Трајановска.
Дека вакви животинки има насекаде низ градот потврдуваат и жителите на Лисиче, Пржино, Драчево, Чаир, Ченто… Велат дека со ништо не можат да се спасат од стоногалките.
– Нема никаков спас. Едни ќе тргнам, други ќе дојдат – вели Катерина Смилјановска.
Постарите, пак, велат дека секоја година се појавуваат во овој период кога е зголемена влажноста на времето.
– Ова не е ниту прв ниту последен пат да се појавуваат. Уште кога бев мала паметам дека овој период низ дворот ги имавме. Нормална и сосема природна појава. Тоа што нам ни пречат, не значи дека не треба да ги има. Сепак, не сме само ние жители на земјата, нели? – вели Софче Митевска.

ЗГОЛЕМЕНАТА ВЛАГА ПРИЧИНА ЗА ПОЈАВАТА

Малите црвчиња што изминатиот период се појавија во дворовите на скопјани се еден вид стоногалки, кои, според науката, се појавуваат на влажни места, на места каде што има зеленило, места што задржуваат влага, паднати и скапани лисја, овошје и зеленчук.
Сепак, ако се земе предвид дека пред неколку дена во Скопје имаше значително зголемени врнежи од дожд, а и претстојната временска прогноза покажува дека допрва ни следуваат врнежливи денови, овие видови стоногалки сѐ почесто ќе се забележуваат на јавните површини.
Експертите велат дека станува збор за стоногалки, кои вообичаено се појавуваат овој период поради влагата и органското распаѓање на лисјата.
– Излегуваат од почвата и од под камењата. Поради тврдата обвивка на телото, употребата на биоцифи за нивна контрола не е многу успешна, затоа препорачуваме механичко отстранување (метење) и одржување на парковите (чистење со гребло и косење) – вели Николина Соколовска, медицински ентомолог и шефица во Службата за дератизација, дезинсекција и дезинфекција при Центарот за јавно здравје – Скопје.
Во науката се познати под името „милипеди“, а најмногу ги има во градините и зелените површини. Тие се безопасни, па дури и можат да имаат позитивно дејство доколку ги има во градината, затоа што ги јадат мртвите билки и помалите инсекти што се штетни за билките.
Сепак, голем број од овие животинки, можат да бидат голем проблем. Иако живеат надвор, сепак може да се случи да направат инвазија и во затворен простор, најчесто на места каде што има влага, па така може да се најдат и во гаражи, подруми, но и во соби доколку има зголемено количество влага.
Од своите живеалишта излегуваат доколку се поплават или станат премногу суви, па врнежливото време од пред неколку дена и зголемената влага во почвата, може да е и причината за нивната инвазија во Скопје.
Поискусните велат дека е најдобро да се изметат и да се дислоцираат, а за да не навлезат во домовите, најдобро е да се користи средство против штетници и инсекти или пестициди, кои кај многумина се покажале како решение за овој проблем.

За повеќе детали ТУКА
Извор: Нова Македонија

spot_img
spot_img
ПОВРЗАНИ СТАТИИ

Најпопуларни

Повеќе постови

Ангелов: Ако победи СДСМ би работел за нив и како експерт, ама за плата од 5.000 евра

Прашан дали, ако СДСМ победи на изборите, ќе го напушти ВМРО-ДПМНЕ и ќе се врати во СДСМ, Стојанче Ангелов, претседателот на партијата „Достоинство“ синоќа...

Илија Јовановиќ: Бебиња се евидентирале како мртви и се продавале на други?!

Дома СКОПСКА СКОПСКА Бебиња се евидентирале како мртви и се продавале на други?! Од страна на Вечер -27/03/2024 - 15:08420 Илија Јовановиќ, претседател на здружението „Градиме...

Автопатот Кичево – Охрид како легендата за Радин мост – Дење го градат, ноќе паѓа

Автопатот Кичево – Охрид станува историски, како Радин Мост во Кратово. Според легендата, го ѕидале девет браќа. Дење го граделе, ноќе паѓал. За да го...

Стојанче вели дека треба да остане директор, оти Мечките се буделе од зимскиот сон, а исто така иде сезона од пожари !!

Претседателот на Достоинство, Стојанче Ангелов смета дека треба да остане на директоркската функција бидејќи државата се наоѓа во специфична ситуација. -Талат Џафери е технички премиер....