Орце Стевковски – Царот добро е познато име на македонската публика, но и пошироко како пејач на македонски патриотски песни, со многу хитови, многу турнеи низ Австралија, Канада, Америка, Европа и многубројни солистички концерти.
Во својот репертоар ги има познатите хитови како „Убава Калина“, „Царот Неготински“, „ Пукнала мајко тре снала“, „Глас се слуша, плач и лелек“ , „Се заљубив на стари години“, како и познатата песна „Од кај дојдовте“.
Во интервју за Свет-Австралија, неговата сопруга Драгица Стевковска Дракче, откри дека таа и Орце се запознале во автобус, кога таа имала 19 години, а тој 23.
Вели тоа било љубов на прв поглед. Четири дена после нејзината матура таа му кажала и официјално „да“ на Орце.
За жал, деновиве, во семејството на Дракче и Орце се случи трагедија, а веста ја соопшти најпрво Дракче, а потоа и Орце на својот фејсбук-профил. Тој се прости од својата сестра.
