8.9 C
Ohrid
сабота, април 20, 2024
ПочетнаМакедонијаЉубе Бошкоски доби ослободителна пресуда за нелегалното финансирање на кампања- Сега ќе...

Љубе Бошкоски доби ослободителна пресуда за нелегалното финансирање на кампања- Сега ќе можам допридонесам уште повеќе за Македонија вели Љубе…

Љубе Бошкоски доби ослободителна пресуда за случајот „Кампања“. Кривичен суд на повтореното судење, утврдил дека немало недозволено финансирање на кампањата на неговата партија на изборите во 2011 година.

„Се ослободува од обвинение. Трошоците за кривичната постапка се на буџетот на Република Северна Македонија“, кажа судијката Елена Илиевска-Јосифовиќ.

Пресудата беше поздравена со аплауз во судницата.

„Судот не утврди дека Бошкоски примил парични средства за финансирање на изборната кампања за парламентарните избори 2011 година, што би претставувало недозволено финансирање на изборната кампања, а е суштествен елемент кој мора да постои“, посочи судијката.

Случајот „Кампања“ се суди по вторпат бидејќи Европскиот суд за човекови права пред две години пресуди дека на поранешниот министер за внатрешни работи Љубе Бошкоски му биле прекршени правата на фер судење по обвинувањето за нелегално финансирање на неговата партија Обединети за Македонија. Новото судење беше по барање на Бошкоски како обвинети.

Бошкоски беше уапсен на 6 јуни 2011 година, ден по парламентарните избори, пред ресторанот „Воденица“ во Скопје, под сомнение за нелегално финансирање на изборната кампања. Во 2014 тој беше осуден на пет години затвор. Во 2016 година тој излезе од затворот во Идризово каде што ја отслужуваше казната.

Лидерот на „Обединети за Македонија“, Љубе Бошкоски, по ослободителната пресуда за случајот „Кампања“, порача дека е единствениот на балканските простори кој поминал 11 години низ повеќе затвори, а излегол како победник. Прашан дали ќе побара оштета од државата, бидејќи сега е ослободен, тој рече: „Тоа сега е непримерно“.

Сведоци бевте за уште една во низата ослободителни пресуди коисе донесоа. Ова ми е седма ослободителна пресуда, од двете хашки до денес. Имав неколку осудителни пресуди кои завршија како ослободителни пресуди. Од денес па натака во мојот живот сум можеби единствениот човек на балканските простории, кој помина 11 години во домашните и меѓународните затвори од секаде излегов како победник“, кажа Бошкоски.

Прашан дали ќе бара парична оштета од државата, Бошкоски рече: „Времето не може никој да го врати, тоа е минато време. Ги охрабрувам македонските судови и судии при одлучувањето да ги земаат во предвид сите докази, а не да влегува политиката во судниците. Денеска бевме сведоци дека во сиот период бев изложен на полициско-политичко монтирани процеси кои завршија со победа на правдата“.

Тој останува во политиката.

„Се надевам дека уште можам да допридонесам за Македонија посебно кога знам дека зад мене немам товар кој може да ме оптеретува мене и мојата партија“, додаде Бошкоски.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...