11.9 C
Ohrid
среда, април 17, 2024
ПочетнаМакедонијаКовачевски и Бектеши ги проверија цените, јајцата сè уште одмрзнати

Ковачевски и Бектеши ги проверија цените, јајцата сè уште одмрзнати

Во улога на пазарни инспектори премиерот Ковачевски и министерот Бектеши излегоа да проверат дали тестенините, млекото и млечните производи од денеска се продаваат со намалени цени.

Откако ги провери сумите испишани на рафтовите, Ковачевски ја заврши и домашната обврска.

Си купи леб, макарони, млеко, урда, но и се заблажи. За разлика од него, министерот Бектеши маркетот го напушти со празни раце. Намалување на цените на овие производи има, потврдија надлежните.

И граѓаните велат, производите ги нашле по пониски цени. Но, сметаат дека тоа не е доволно. Поскапувањето беше големо и поевтинувањето треба да продолжи и во следните месеци.

Министерот Бектеши е убеден дека ќе има компании кои и повеќе ќе ги намалат цените. Повторно најави дека за оние кои ќе бидат поодговорни ќе следи награда.

„Јас сум убеден дека ќе има компании кои ќе ги намалат повеќе од оние проценти кои се во одлуката. До крајот на наредната недела ќе достави информација со детална анализа за секој производ и ќе се дизајнираат новите мерки во април. Мерки кон стопанството за оние сектори кои ќе покажат одговорност но и кон граѓаните“, вели министерот за економија, Крешник Бектеши.

Пазарниот инспекторат, испрати 160 инспектори на терен. До сега неправилности нема. Предупредија дека сите кои ќе се обидат да ја прекршат одлуката со име јавно ќе бидат објавени.

„Апелирам како директор, имаа шест дена да се прилагодат на оваа одлука и затоа апелирам истото тоа да го направат, бидејќи санкциите се високи од 800 до 10.000 евра, а ние постапуваме по законите и без никаква селекција ќе биде вршен надзорот“, вели директорот на пазарниот инспекторат, Горан Трајковски.

Од денеска макароните и шпагетите поевтини за 15 отсто, млекото, јогуртот, киселото млеко, кашкавалот, сирењето и урдата, за 10 проценти.

Од следната недела ќе се одлучува дали ќе се направи истото и со цените на јајцата, шеќерот, оризот.

Одлуката за намалување и замрзнување на цените се донесе затоа што дел од прехранбените компании три месеци користеа субвенционирана струја, а за возврат или воопшто не ги намалија цените или поефтинувањето беше незначително.

Се одлучи евтината струја да се укине. Но, сè уште е неизвесно дали единствената казна за овие фирми ќе биде само укинувањето на субвенционираната струја. Ковачевски допрва ќе проверува дали законски постои можност и за други санкции.

spot_img
spot_img
ПОВРЗАНИ СТАТИИ

Најпопуларни

Повеќе постови

Изјава на Советот за верски прашања на Нов Јужен Велс и на верски водачи

Изјава за медиуми Вторник, 16 април 2024 Местата за богослужба се места за мир и молитва. Луѓето кои се собираат таму не треба никогаш да се...

Владата заклучи: 24 април (среда) и 8 мај да бидат неработни денови за сите граѓани

На 16. седница, Владата заклучи 24 април 2024 година (среда) и 8 мај 2024 година (среда) да бидат неработни денови за сите граѓани на...

Да бидеме хумани! Апел за помош на Сашо Лазаровски кој по вторпат се бори со рак

Сашо Лазаровски има потреба од нашата помош. Битолчанецот, кој еднаш го победи ракот на белите дробови, сега повторно води тешка борба со оваа опака...

Таравари: Ќе гo забраниме коцкањето и брзите кредити, идната Влада ќе ги покрива долговите на граѓаните од брзи кредити“, рече Таравари

Претседателскиот кандидат Арбен Таравари денеска оствари важна посета на градот Струга, каде се разговараше за различни прашања во заедницата, почнувајќи од здравствените работници до...