Полициските и пожарникарните нукрачи повторно детално го пребараа морето кај Малинска, на местото каде во неделата загина 20-годишната Австријка Верена Хајнц на која, додека нуркала со татко ѝ, налетал глисер со кој управувал 25-годишник од Задар.
Хрватските медиуми пишуваат дека е покрената нова претрага откако таткото Дитер Хајнц рекол дека за време на спасувањето на ќерката го фрлил нуркачкото одело тешко 2 килограми. Наводно, станува збор за црн појас со оловен тег кој завршил на морското дно и чија локација може да биде клучен доказ во истрагата.
Хајнц тврди дека тој и неговата ќерка нуркале на локацијата најмалку 80, а најмногу 150 метри од крајбрежјето. Тоа се разликува од соопштенијата на МВР според кои несреќата се случила на 300 метри од крајбрежјето.
Тој детаљ е клучен,затоа што според правилата, не смее да се вози на оддалеченост помала од 300 метри од крајбрежјето, пренесува Јутарњи.хр
Австриецот кој исто така го поткачил глисерот, вели дека при ударот му била отргната перајата во зелена боја додека од нозете на неговата ќерка излетале двете пераи во бела боја.
Пераите можно е да отплутале, но два килограми тешкиот појас мора да биде на морското дно, одредувајќи ја локацијата на несреќата.
