16.3 C
Ohrid
сабота, септември 19, 2020
Почетна Македонија Станарите на зградите во Сопиште сами си го чистат патот од снег,...

Станарите на зградите во Сопиште сами си го чистат патот од снег, градоначалникот им понуди “донација” од сол

Translate (Eng):[gtranslate]

Станарите од 60 станови од комплексот згради “City View Condominium” во Сопиште вечерва се завеани во снег. Единствениот пат кој води до зградите е затрупан во снег, а поради угорнината не е безбедно да се вози.

Тие вечерва се организираа и во моментот сами го чистат патот. Си купиле и сол, за утре да можат да стигнат до своите работни места.

Станарите утринава го контактирале градоначалникот на Сопиште и побарале да се расчисти патот и да се фрли сол. Одговорот бил дека тоа е во план, но до вечерва нема ништо. Откако станарите се организираа сами со лопати на ветер од 70 км на час да го чистат патот, градоначалникот им понуди да земат од солта која стои во општинскиот двор.

РЕКЛАМА

Станарите со кои разговаравме велат дека е срамота во 21 век да не можат да ги напуштат своите домови, особено што во зградата живеат претежно млади брачни парови со бебиња и мали деца.

-Секој стан и плати на општината по најмалку 1.200 евра данок при купувањето на становите, а сега тие не можат да пуштат механизација да го исчисти снегот, вели една станарка.

Друг проблем со кои се сочуваат е што при посилен ветер снемува струја. Па така, денеска и вчера беа без струја по околу три часа.

Снегот во повисокиот дел на Сопишите почна да врне вчера во 23 часот и непрестано паѓа и вечерва.

К.С.

fokus

- Реклами -